Khokahanyo ea lipale tse khutšoane (Sesotho)

Khokahanyo ea lipale tse khutšoane

Khokahanyo ena ea lipale e tla hatisoa bukeng ea pampiri le bukeng ea marang-rang. Sepheo sa rona ke hlahisa bokheleke le boqapi ba ho ngola lipale tse khutšoane ho tsoa lingoling tsa Basotho ba lulang ka har’a naha ea Lesotho.

Lipehelo tse tataisang – bala ka hloko

• Letsoalloa la Lesotho kapa moahi ea phetseng Lesotho bonyane lilemo tse tharo a ka romella lipale tsa hae. Ba re e ne re e tla amohela lipotso ho ba se nang bo ‘nete ba hore na ba oelella ka lesakaneng le feng le boletsoe.
• Batho ba nang le thahasello ba ka romella lipale tse sa feteng boraro.
• Lipale li se ke tsa ba tse kileng tsa hatisoa kae kapa kae pele.
• Lipale e be tse iqapetsoeng, ‘me li be bolelele bo lipakeng tsa mantsoe a sekete le likete tse hlano (1000-5000).
• Lipale li ka ngoloa ka leleme la Sesotho kapa la Senyesemane.
• Lipale tsohle tse tla romelloa e be mosebetsi o qapiloeng le moromelli ka sebele, eseng o qopilitsoeng.
• Lipale li romelloe lipakeng tsa 1 Mots’eanong le 30 Phuptjane 2016.
• Lipale li romelloe ka mokhoa oa ho qhoaelloa posong ea marang-rang (e-mail attachment) atereseng ena barelitfest@gmail.com
• Ka ho romella lipale tsa bona, motho le motho o fana ka litokelo tse ikhethileng ho Ba re e ne re ho hatisa mosebetsi oa bona pampiring le marang-rang.
• Hang hoba motho a fane ka mosebetsi oa hae o itlama ho sebetsa le bahlophisi ba buka ena ea khokahanyo ea lipale tse khutšoane ho lokisetsa hore lipale tsa bona li tle li hatisoe.